Estratexia e planificación turística
Planificamos o territorio con obxectivos claros, unha xestión responsable e resultados visibles para a comunidade local.
Unha estratexia territorial clara axuda a fixar obxectivos comúns, aproveitar mellor os recursos e coordinar as accións. Tamén permite tomar decisións baseadas no coñecemento do territorio, o seu contexto e a súa idiosincrasia.
Acompañamos territorios, destinos e entidades de xestión cunha metodoloxía rigorosa e adaptada a cada realidade. Combinamos traballo de campo, análise de fontes, estudo de boas prácticas e tendencias e procesos de participación con axentes locais mediante mesas de traballo, grupos de persoas expertas e outras dinámicas participativas.
Foto: Raúl LorenzoQue inclúe
- 01
Plans estratéxicos de desenvolvemento territorial e turístico
- 02
Plans directores de recursos patrimoniais culturais e naturais
- 03
Diagnósticos e estudos territoriais
- 04
Análise de viabilidade e oportunidades para proxectos de dinamización
- 05
Estudos sectoriais e inventarios de recursos territoriais turísticos
- 06
Mapeamento de axentes turísticos locais
- 07
Follas de ruta para entidades xestoras e destinos
- 08
Sistemas de indicadores e análise de datos
- Entidades que queren un modelo turístico máis responsable
- Territorios que teñen recursos pero descoñecen o seu potencial real
- Destinos que queren medrar de forma sostible e necesitan un diagnóstico claro da súa situación
- Organizacións que necesitan implicar todas as partes na súa estratexia
Gobernos autonómicos, deputacións, concellos, mancomunidades, consorcios, grupos de desenvolvemento rural, GALP, Reservas da Biosfera, asociacións de concellos, asociacións de empresas e profesionais turísticos e entidades locais de calquera natureza vinculadas ao desenvolvemento territorial.
Gobernanza e xestión de destinos e entidades
Fortalecemos entidades e destinos con modelos de gobernanza eficaces, unha xestión profesional e unha folla de ruta compartida que axude a cada organización a avanzar con claridade, autonomía e coherencia.
Foto: Cristina FloresPosta en valor do patrimonio
Poñemos en valor o patrimonio natural e cultural con proxectos que reforzan a identidade local, favorecen a súa divulgación e contribúen á súa conservación.
Foto: Raúl LorenzoCóntanos o teu proxecto
Se xestionas un territorio, unha organización ou un proxecto de desenvolvemento local, cóntanos a túa idea mesmo se aínda está tomando forma. Encantaranos escoitarte e tomar boa nota do que nos contes para pensar en como podemos axudarche.