Posta en valor do patrimonio
Poñemos en valor o patrimonio natural e cultural con proxectos que reforzan a identidade local, favorecen a súa divulgación e contribúen á súa conservación.
Coñecer o patrimonio dun territorio en profundidade (a súa historia, o seu significado, a pegada que o pasado deixou no presente) é o punto de partida para traballar con el de forma responsable.
Aplicamos a disciplina da interpretación do patrimonio para identificar os seus valores, integralo na súa contorna e propoñer fórmulas de uso público que xeren conexión emocional, esperten a curiosidade e activen a conciencia sobre a súa conservación. Planificamos o uso público do patrimonio a partir dos seus valores e da capacidade de carga de cada espazo. Deseñamos propostas que equilibran conservación e aproveitamento, conectan os recursos mediante un relato común e xeran oportunidades culturais e económicas para as comunidades locais.
Foto: Raúl LorenzoQue inclúe
- 01
Inventario, estudo e análise de recursos patrimoniais e deseño de propostas para conectalos e poñelos en valor
- 02
Deseño de rutas, itinerarios e experiencias vinculadas ao patrimonio natural, cultural e inmaterial, con especial atención á etnografía, o artesanato e as tradicións locais
- 03
Plans de interpretación e uso público responsable de espazos naturais e culturais
- 04
Visitas guiadas, divulgación e formación en interpretación do patrimonio
- 05
Posta en valor do patrimonio ligado á economía azul, a paisaxe enogastronómica e a historia industrial
- 06
Deseño e divulgación de experiencias de astroturismo e ecoturismo para a concienciación turística responsable
- 07
Programas e materiais de concienciación e divulgación patrimonial: publicacións, contidos dixitais, encontros e foros
- 08
Asistencia técnica para certificacións, selos de calidade e candidaturas a recoñecementos oficiais
- Espazos sensibles que buscan equilibrio entre conservación e aproveitamento turístico
- Espazos que reciben visitas pero carecen de experiencia interpretativa de calidade
- Comunidades que queren recuperar e divulgar a súa memoria e tradicións
- Entidades que queren obter un recoñecemento oficial para o seu patrimonio
Gobernos autonómicos, concellos, deputacións, xestores de parques naturais e espazos protexidos, xestores de bens culturais, Reservas da Biosfera, fundacións culturais e patrimoniais, museos e centros de interpretación, comunidades de montes, asociacións culturais e ambientais, consellos reguladores, grupos de desenvolvemento rural, GALP e entidades locais de calquera natureza vinculadas á conservación e divulgación do patrimonio.
Creación de produtos e experiencias turísticas
Deseñamos produtos e experiencias turísticas que converten os recursos do territorio en oportunidades de negocio para o tecido empresarial e a comunidade local.
Foto: Cristina FloresComunicación e divulgación de proxectos
Damos visibilidade a proxectos, entidades e destinos con relatos claros, contidos relevantes e estratexias que conectan cos seus públicos e amplifican o seu impacto.
Foto: Ana RodríguezCóntanos o teu proxecto
Se xestionas un territorio, unha organización ou un proxecto de desenvolvemento local, cóntanos a túa idea mesmo se aínda está tomando forma. Encantaranos escoitarte e tomar boa nota do que nos contes para pensar en como podemos axudarche.