Concello da Pobra do Caramiñal

Deseñar e executar unha estratexia de comunicación para dar a coñecer o proxecto Emprende-co Pobra e fomentar a presentación de candidaturas por parte de persoas emprendedoras en comercio local.

Fixemos equipo coa área de promoción económica do concello para analizar o proxecto e deseñar un plan de comunicación que o dese a coñecer non só entre a poboación de A Pobra do Caramiñal, senón en toda a provincia da Coruña. Consistía nun premio para persoas que quixesen emprender en comercio local, cunha dotación económica para os primeiros gastos de apertura e a cesión dun local comercial durante un ano.

Xunto con Ingenyus creamos a imaxe do proxecto e os materiais promocionais, entre os que destacaban un cartel, un tríptico e un vídeo promocional cos principais promotores do proxecto.

Establecemos unha base de datos con posibles prescritores do proxecto, aos que visitamos para compartilo e que puidesen facer de altofalantes para chegar ao maior público posible.

Desenvolvemos varias xornadas de presentación dirixidas a persoas interesadas, cunha visita polo centro para coñecer os baixos comerciais que poderían formar parte do premio.

Unha comunicación eficiente do proxecto e a consecución de case 30 persoas interesadas en presentar a súa candidatura ao Premio Emprende-co.