GDR Terras de Santiago

Sensibilizar os actores locais do destino Terras de Santiago sobre a necesidade do equilibrio entre a conservación e o aproveitamento turístico do patrimonio natural, no marco do Plan de Sustentabilidade Turística en Destino Terras de Santiago.

Investigamos sobre casos reais de gobernanza responsable de espazos naturais e sistemas de xestión de fluxos turísticos en diferentes destinos en Galicia e España, tales como: O Caminito del Rey, San Xoán de Gaztelugatxe, o Parque Nacional das Illas Atlánticas, a praia de As Catedrais, o Lago de As Pontes, as minas de A Pontenova, etc.

Identificamos boas prácticas para a súa posible aplicación aos espazos naturais do destino.

Concienciamos sobre a importancia e os beneficios do turismo activo e o turismo de natureza na conservación do medio natural, sempre que se desenvolva desde unha boa xestión responsable.

Compartimos as principais claves a ter en conta, tanto con entidades locais como sector turístico especializado nas actividades no medio natural, para o desenvolvemento do turismo activo e natureza no destino de forma responsable.

Participamos nunha mesa redonda tras o relatorio, con profesionais do turismo activo do territorio, na que se puxo en común a situación actual deste sector en Galicia, a lexislación vixente e a necesidade de implicar a poboación local nos proxectos turísticos.

Xerar reflexión, diálogo e cooperación público-privada arredor da boa xestión do turismo, o uso público e turístico do patrimonio natural, a convivencia entre habitantes, visitantes e empresas turísticas e as necesidades concretas deste sector en Galicia, especialmente no que respecta a unha nova lexislación que regule a actividade.