Mancomunidade Barbanza Arousa

Deseñar e implantar un manual de produto e un plan de acción para o turismo enogastronómico do destino Barbanza Arousa, formado polos municipios de A Pobra do Caramiñal, Boiro, Rianxo e Ribeira.

Organizamos un proceso participativo para favorecer a implicación de todos os actores locais da cadea de valor da enogastronomía, e realizar conxuntamente unha análise da situación de partida, a identificación dos produtos agroalimentarios e pesqueiros máis relevantes e identitarios da comarca e doutros recursos naturais e culturais relacionados coa temática.

A continuación deseñamos o Manual do Club de Produto, indicando que tipo de entidades públicas e privadas poderían adherirse e os criterios que terían que cumprir para formar parte do club.

Elaboramos un plan de acción a tres anos coas recomendacións que tería que seguir a Mancomunidade para a posta en marcha e dinamización do club e da rede de actores locais.

Unha rede de actores locais relacionados con toda a cadea de valor da enogastronomía de Barbanza Arousa, para pór en valor o tecido empresarial, os produtos locais, os viños da IXP Viño da Terra de Barbanza e Iria, a cultura do cultivo do mexillón, a historia das conserveiras e o seu legado patrimonial, as festas de exaltación gastronómica e os equipamentos interpretativos relacionados con todo iso.

Un sistema de traballo en rede cun relato común e unha folla de ruta a seguir pola Mancomunidade para a futura creación e comercialización de experiencias turísticas combinadas que dean a coñecer a calidade e a orixe dos seus produtos a través da súa paisaxe gastronómica.